الخلاف بين روسيا و الاتحاد الأوربي :
روسيا ردت علي الاتحاد الاوروبي سرق مننا أصول ب ٣٠٠ مليار دولار و دلوقتي بيطلب مننا أننا نرجع لرومانيا الذهب بتاعها العبارة اللي فاتت دي قالها قبل أيام الرئيس الروسي السابق و نائب رئيس مجلس الأمن الروسي الحالي ديمتري مدفيدف ردا علي تصويت البرلمان الأوروبي لصالح قرار بيطالب روسيا بانها ترجع لرومانيا الذهب اللي كانت شايلة عندها في خزنه في الكرملين واللي الروس رافضين يرجعوه رغم ان الرومانيين لسانهم نشف من المطالبة بيه.
 |
| وكالة الفيزا نيوز | ماذا سيفعل بوتين في كنز الذهب الذي استولت عليه روسيا |
رد ميدفيدف علي قرارات الاتحاد الأوروبي :
ميدفيدف مش بس صخ من قرار البرلمان الأوروبي و إنما كمان شتم الاتحاد الأوروبي و الرومانيين وقال ألفاظ بذيئة وده نقدر نعتبره رد غير مباشر علي البرلمان الأوروبي و رومانيا من الآخر روسيا مش هترجع حاجة لرومانيا و الذهب بتاع البنك المركزي الروماني غالبا مش هيرجع لرومانيا قريب ،خصوصا في ظل التوترات الحالية بين البلدين بعد غزو روسيا لأوكرانيا.
- ما علاقة غزو روسيا لأوكرانيا بالذهب رومانيا :
لان أوكرانيا ليها حدود مع رومانيا الدولة العضو في الاتحاد الأوروبي و في حلف شمال الأطلس النيتو بس هنا في سؤال بيطرح نفسة : هو إيه اللي ودي الذهب الخاص بالبنك المركزي الروماني لروسيا ؟ ازاي رومانيا حطت كنزها الوطني تحت رحمة الروس اللي علاقتهم التاريخية مع الرومانيين يمكن وصفها بانها في افضل الأحوال متقلبه وغير مستقرة ؟
الحرب العالمية الاولي :
مع انطلاق الحرب العالمية الاولي في صيف سنه ١٩١٤ معظم الدول الأوروبية انضمت ليها وبسرعة تكون طرفين ليها و بسرعة أتكون طرفين للحرب طرف فيه بريطانيا و فرنسا و الاتحاد السوفيتي واللي كانوا بيشكلوا مع بعض ما يعرف بالحلفاء او الوفاق الثلاثي و طرف ثاني كان فيه ألمانيا و النمسا و المجر و بلغاريا والدولة العثمانية و دول كان بيطلق عليهم أسم دول المركز.
صراع الحرب العالمية الاولي :
دخول جميع الأطراف السابقة دي كلها الحرب أتسبب في اشتعال القارة الاوروبيه ولجوء بعض الدول اللي ما تعتبرش طرف اصيل في الحرب للانحياز لأي اي تحالف من الاثنين علشان تحمي نفسها في وسط المعمعه دي كان في دوله في جنوب شرق أروبا محتاسة مش عارفه تعمل اي لان حظها السئ خلاها موجوده حرفيا في النص بين طرفين بتوع الحرب وهنا بتكلم عن رومانيا.
ما علاقة موقع رومانيا السئ بطرفي الحرب ؟
رومانيا حرفينا كنت بين كماشة الاتحاد السوفيتي كان بيحد رومانيا من جهه الشرق و من جهه الغرب كان موجود خصوم الاتحاد السوفيتي وهم أربيا و المجر و في ظل الوضع المعقد ده فضلت رومانيا محايدة لحد سنه ١٩١٦ و بعد سنتين وبتحديد سنه ١٩١٨ رومانيا أعلنت الحرب علي الإمبراطورية النمساوية المجارية وكانت البداية في معركة ترانسلفانيا.
معركة ترانسلفانيا :
المعركة دي كانت البداية في معركة ترانسلفانيا اللي حاول خلالها الجيش الروماني السيطرة علي منطقة ترانسلفانيا في البداية حقق الرومانيين نجاحات كبيرة في المعركة و لكنهم تراجعوا بسرعه و فرو هاربين بمجرد ما جيوش دول المركز بقيادة ألمانيا شنت الهجوم مضاد عليها في سبتمبر من نفس ألسنه الألمان فضلوا يضغطوا علي الرومانيين وزحفوا ناحية العاصمه الرومانيه بوخارست.
سقوط العاصمة الدولة الرومانية :
وبعد توقع المسؤلين في الدولة بسقوط العاصمة الرومانية بوخارست واحتلالها من الألمان المسؤولين في رومانيا بداوا يهربوا من العاصمة في اتجاة الحدود مع الاتحاد السوفيتي الحكومة و العائلة الملكة والبرلمان وباقي المؤسسات المركزية للدولة سابوا بوخارست وراحوا مدينه يأس الموجودة علي بعد ١٠ ميل بس من الحدود الاتحاد السوفيتي وهي نفس المدينة المدينة اللي الرومانيين قرارها أنهم ينقلوا ثرواتهم الوطنية ليها علشان يحافظو علي ثروتهم من يد الألمان لو احتلوا بوخارست.
موعد نقل الكنز الروماني :
سبتمبر ١٩١٨ وبالتزامن مع اشتداد المعارك مع الألمان البنك الوطني الروماني اللي هو بنك رومانيا المركزي بدا يستعد علشان ينقل الكنز الذهب بتاعه لمكان امن بعيد عن بوخارست وفي خلال أسبوع واحد كان نقل احتياطياته القانونية من الذهب وغيرة لمدينة يأس البنك ودي الاحتياطيات هناك مش بس علشان كان خايف عليها من ان الألمان يسرقوها وإنما كمان لان الاحتياطيات دي كانت هي الأساس اللي النظام النقدي في رومانيا وقتها كان مبني عليه العمله الرومانيه الليه هي الليو كانت متغطية جزئيا بالذهب.
النظام الأساسي بتاع البنك المركزي الروماني :
كان بينص علي ان البنك لازم يحتفظ باحتياطي من الذهب قيمته بتعادل ٤٠٪ علي الأقل من قيمه الأوراق النقدية المصدره من قبل البنك في الظروف الاستثنائية اللي من ضمنها طبعا حاله الحرب ودا بيخلي البنك يسمح ان نسبه التغطية تقل وده بيخلي لاحتياطي الذهب الروماني ٣٣٪ اهميه المضاعفه مش بس ثروه قوميه وإنما كمان صلب النظام النقدي اللي بيضمن قابلية تحويل العمله المحلية واللي في غيابه العمله المحليه تبقي بلا أساس ولا قيمة.
- المهم احتياطي البنك المركزي الروماني وباقي كنوز رومانيا وصلوا لمدينه يأس ووصل بعدها مسؤال البنك المركزي اللي نقلوا مقر البنك للمدينه في ١٤ نوفمبر ١٩١٨ ولكن كنز رومانيا ما فضلش هناك كتير في البداية ديسمبر الألمان قدروا يتغلبوا علي الأراضي الرومانيه بما في ذلك العاصمة بوخارست وللمره الثانيه ولنفس السبب اللي هو الخوف من الألمان الحكومة الرومانيه والبنك المركزي اخذوا قرار بانهم ينقلوا كنوز رومانيا لمكان اكثر أمان من مدينة يأس المعرضة للغزو الألماني في اي لحظة.
- الرومانيين فكروا في دول كتير حليفة ممكن ينقلوا لها الكنز بتاعهم زي السويد والولايات المتحدة و بريطانيا ولكن عمليا نقل الكنز لأي مكان من دول كانت صعبه جدا و مسار الطريق محفور بالمخاطر لان ألمانيا او حلفائها وارد جدا يعترضوا الشحنة دي وهي في الطريق و يتسولوا عليها.
في ظل الظروف الحرب دي قرارا الرومانيين أنهم ينقلوا الكنز للدوله الحليفة الوحيدة اللي كان ليهم حدود معاها اللي هي الاتحاد السوفيتي روسيا حاليا والرومانيين كانوا في الحرب العالميه مع بعض في نفس الفريق اللي هو فريق الحلفاء وده يخلي الرمانيين يثقو في السوفيت ، مع العلم ما كانش ثقه الرومانيين في السوفيت عاليه لكنهم في النهاية ما كانش عندهم خيارات متاحه تانيه لان الألمان في ديسمبر كأنو احتلوا معظم جنوب رومانيا.
- المهم السوفيت وعدوا الرومانيين ان حاجتهم هتبقي في الحفظ و الصون و هيقدر يستردوها وقت ما يحبوا وعلي هذا الأساس بدأت رومانيا تبعت كنوزها لموسكو في الفترة ما بين 12 الي 14 ديسمبر البنك المركزي الروماني حمل 17 صندوق في عربه سكه حديد 1738 عملات معدنية 1735 وثلاث منهم كانوا عباره عن سباك ذهب وفي نفس الشاحنة العيله المالكه بعتت صندوقين فيهم مجوهرات الملكه ماريا ملكه رومانيا.
صناديق البنك المركزي كانت قيمتها ٣١٤ مليون ليو ومجوهرات الملكة ماريا كانت قيمتها ٧ مليون ليو القطر أتحرك من محطة السكة الحديد في يأس ووصل موسكو في ٢٠ ديسمبر وبعدين تم تخزين الصناديق في احد المستودعات المؤمنه هناك بعدها بأسابيع و تحديدا في ١٩ يناير بدأت عملية الجرد دي شارك فيها ثلاث مندوبين عن وزاره الماليه الروسيه ووفد من البنك المركزي الروماني و القنصل الروماني في موسكو بير جيرن وبعد ما انتهوا من جرد ألسنه ديق في ٤ فبراير الطرفين اتفقوا علي ان كل الأشياء الثمينه اللي تم التحقق منها او حردها او وزنها متوافقة من حيث الكميه و القيمة مع بيانات البنك الوطني الروماني ودي كانت الشحنه الاولي في صيف سنه ١٩١٧.
- توقعات السلطات الرومانية :
السلطات الرومانية كانت متوقعة هجوم واسع النطاق من قبل دول المركز بزعامة ألمانيا وفي السياق ده رومانيا قررت انها تبعت لروسيا شحنه ثانية تنقل فيها باقي كنوزها الوطنية اللي لسه موجودة معاها و الشحنه دي كانت اكبر واهم من الاولي خصوصا وأنها شملت أشياء ثمينه جدا تخص جهات ثانيه غير البنك المركزي زي البنوك و الاكاديميه الرومانيه والمتحف الوطني للآثار ومعرض الدوله للفنون و الوزارات و الاديرة كل شئ ثمين تقريب كانت بتملكه رومانيا كان جزء من الشحنه دي ذهب وآثار وكتب و محفوظات ووثائق وتحف فنيه في يوليو سنه ١٩١٧ ممثل البنك المركزي الروماني وقع ممثلين عن وزاره الماليه الروسيه البروتوكول اللي قدام حضراتكم ده واللي بينظم عمليه نقل كنوز رومانيا لموسكو في نفس الشهر الرومانيين شحنوا الموسكو حاجات قيمتها بتساوي ٧ ونص مليار دولار و الروس استلموا الحاجات دي واللي بعضها قيمته لا تقدر بثمن علي ،عد بانهم يرجعوها للرومانيين اول ما يطلبوها فور ودي بتشمل ووصل طن من الذهب الخالص اللي البنك ٩١ المركزي الرماني أودعوا عندهم في اوائل اغسطس وبعد وصول كل حاجة لموسكو السوفيت و الرومانيين وقعوا علي بروتوكول الهدف منه انشاء مستودع خاص برومانيا في الكرملين البروتوكول ده نص علي ان الحكومة الروسية بتضمن عوده الكنز بالكامل لرومانيا ده كان الاتفاق بين الطرفين ولكن علي ارض الواقع دي مانتأخر مره الرومانيين يشوفوا فيها الذهب بتاعهم.
- معظم كنوزهم اللي اودعوها عند الروس فقدوها وخليني أقولك ازاي ده حصل :
في اكتوبر سنه ١٩١٧ بقياده فلاديمير لينين استولوا علي السلطة في روسيا وفي يناير ١٩١٨ مجلس مفوض الشعب الجمهوري للاتحاد السوفيتي قطع العلاقات مع رومانيا وقرر اعتقال سفير رومانيا في بتروبراس اللي هي سانت بيترسبيرغ اماً الضربة الكبيرة بقي فكانت السيطرة علي كنوز رومانيا الموجوده في الكرملين قرر ان حكومته تحتفل بالكنوز دي ومش هتسلم الكنوز بعدها رجعو في قرارهم ووعد بانه هيرجعها بعدين للشعب الروماني ولكن ده محصلش رومانيا بقي لها اكثر من ١٠٠ سنه بتجري ورا الروس علشان تقنعهم بانهم يرجعوا لها الكنوز بتاعتها ولكن بلا جدوي ، حكومة ورا حكومة بتطالب الروس بالمطلب ده.
- بداية المطالب مؤتمر باريس للسلام :
مؤتمر باريس للسلام اللي انعقد سنه ١٩١٩ ساعتها رومانيا ضغطت بشدة علشان تسترد كنوزها من الروس ولكن السوفيت رفضوا الاستجابة والرومانيين من ناحيتهم قرار المحاولة اكثر من مره في مؤتمرات دوليه ثانية الأمور بدأت تتزحزح شوية بعد ما العلاقات الدبلوماسية بين رومانيا و الاتحاد السوفيتي رجعت سنه ١٩٣٤ بعتوا لرومانيا صندوق كان بيحتوي علي وثائق ١٤٣٦ الصناديق لما وصلت رومانيا الرومانيين اكتشفوا بانها اتفتحت وتم العبث بمحتوياتها وسرقت بعضها رغم ان الاتفاق بين الطرفين كان بينص علي ان الصناديق دي ممنوع تتفتح وترجع زي ما هي.
- المهم الروس اكتفوا بانهم يرجعوا لرومانيا شوية الأوراق دي مش اكثر من كده فتمر السنين والحال يتشقلب الحرب العالمية الثانية تنطلق في نهاية الثلاثينات ورومانيا المره دي تقرر انها تحارب مع ألمانيا ضد الاتحاد السوفيتي انضمت رومانيا للطرف اللي خسر الحرب وده دفعها الثمن لما الاتحاد السوفيتي احتل أراضيها علشان تدخل قواته هناك وتفضل لحد سنه ١٩٥٨ قبل سنتين من خروج السوفيت من رومانيا وتحديدا سنه ١٩٥٦ السوفيت قرار يرجعوا لرومانيا جزء من الكنوز الذهب اللي كانوا شايلينها في الكرملين وده يشمل حوالي ٣٩٠٠٠ قطعة فنيه اثرية تم إرجاعها لمتحف التاريخ الوطني في رومانيا.
- ومعهد الآثار والمكتب الوطني للأبحاث ودي كانت اخر حاجة الرمانيين يشوفوها من الكنوز بتاعتهم لا شافوا الذهب ولا شافوا بقية الحاجة اللي الروس قرروا أنهم يحتفظوا بيه في سنه ١٩٦٥ رومانيا طلبت مره ثانيه من السوفيت أنهم يرجعوا الكنوز بتاعتهم
السوفيت صدموه وقالوا ان ديون رومانيا للاتحاد السوفيتي بتتجاوز قيمه الذهب الروماني وبالتالي ما اخدوش منهم حق ولا باطل ،ولكن الرمانيين علي الناحية الثانية ما فقدوا الأمل أبدا وده عبر عنه بوضوح مجور إيسكو محافظ البنك المركزي الروماني اللي قال قبل كده انه لا البنك المركزي الروماني ولا الحكومة الرومانية هتخلوا عن كنز الذهب بتاع البنك الوطني الروماني المهم الأمل أتجدد عند الرمانيين بعد انهيار الاتحاد السوفيتي في اوائل التسعينات بعد الانهيار ده ظهرت روسيا الاتحادية بشكلها الحالي في ٤ يوليو سنه ٢٠٠٣ روسيا ورومانيا وقعوا علي معاهدة مشتركة اسمها معاهدة التعاون والعلاقات الودية بين رومانيا و الاتحاد الروسي في خلال المحادثات الخاصة بالمعاهدة دي الطرفين اتفقوا علي تشكيل لجنه مشتركة تختص بالنظر في المشاكل والعلاقة بين البلدين.
- اللجنه الروسية الرومانية لإصلاح العلاقات بين البلدين :
اللجنة دي أشكلت في ٢٠٠٤ ومن ساعتها ولحد النهاردة اجتمعت خمس مرات آخرهم كان في ٢٠١٩ وفي إطار الاجتماعات الجانب الروسي اقر بصحة الوثائق الي الجانب الروماني قدمها كدليل علي ايداع كنوز الذهب رومانيا في الكرملين خلال الحرب العالمية الاولي واقر ان الوثائق دي لها صفه المعاهدات الدولية وبتثبت ان الرومانيين سلموا السوفيت كنزهم بما في ذلك الذهب بتاع البنك المركزي الروماني ولكن ده ما كانش له اي انعكاس حقيقي علي الأرض الروس لحد دلوقتي رافضين تماما فكرة إرجاع الذهب لرومانيا والفكرة دي بالنسبة لهم ما بقتش مطروحة للنقاش أصلا من الآخر الروس بيقولوا للرومانيين مالكوش حاجة عندنا و الموقف الروسي اعتقد انه بقي حاليا اكثر تشددا في ظل مستجدات الحرب الروسيه الاوكرانية.
- رومانيا مش بس بتعارض غزو روسيا لأوكرانيا وإنما كمان بتستعد الاحتمال انها تدخل في حرب مع روسيا في اي لحظة العلاقات بين البلدين حاليا في غاية التوتر ده بيخلي احتمال ان روسيا تغير موقفها فيما يخص قضية الذهب امر مستحيل في الوقت الحالي .